أحيانا ( العامية ) ابلغ رسالة – هشام السلمان

هشام السلمان – مونديال

الناس بنت ملاعبها بديها يوم كان الوكت يرفع شعار ( الطايح رايح ) كان رؤوساء الاندية يشتغلون بيدهم .. سمير كاظم يدور خباطة الاسمنت ويصيح على العامل استعجل وليدي حتى يسوي ملعب وصار ولليوم يلعبون عليه …. كانت امكانيات الاندية على كد الحال بلا عقود خيالية ولا محترفين ولا سماسرة … وجهزوا ملاعبهم على احسن حال … وعندما رادوا بناء نادي الشرطة.. الله يذكره بالخير الدكتور عبد القادر زينل كان يشتغل حاله حال العمالة ينقل الطابوق ويناوش اسمنت .. وكان عبد السلام الكعود ما يعوف العمال بنادي الطلبة يوميه واكف وياهم وينفذ طلباتهم حتى يسرعون بالبناء … ويخطط ويقترح ويحفر وينتظر بالشمس الحارة حتى يتاكد المدرجات صحيحة ومسافتها عن ساحة اللعب صحيحة !
ومن يحجون اليوم على الاقل يكولون نادي القوة الجوية عنده ملعب والصقور تحلق بيه
ومن يجيبون طاري الشرطة على الاقل يكولون كانت القيثارة سنوات طويلة تستقبل فرق الاندية والمباريات قبل ان تقرر هدمه حتى يتم تطويره وبناء مدينة رياضية بدلا عنه
ومن يذكرون الطلبة على الاقل يكولون عدهم مشروع ملعب للاسف ما خلص بوكته ويحتاجله وكفة ويخلص ويصير ملعب يليق بالانيق ..
حتى الزوراء عنده ملعب بس وزارة الشباب حبت تفلشة واطير النوارس بسماء مفتوحة وتنتظر رحمة الله
للاسف اليوم من يحجون احاديثهم كلها صارت محفوظة يرددون الاندية ما عده ملعب …
يا اخي لاتكول هذا النادي ملعبه ماصالح للعب … احجيلي على اللي خلص فلوسة وماكو حسابات ختامية !!!
الصورة الاولى تجمعني مع رئيس الهيئة الادارية لنادي القوة الجوية السابق سمير كاظم ايام بناء ملعب النادي عام 2004 …
الصورة الثانية الدكتور عبد القادر زينل يتابع ويعمل بيده في بناء نادي الشرطة قي